Qazaqstan Respýblıkasy Úkimetiniń qaýlysy  №523

  2016 jylǵy 7 qyrkúıek, Astana, Úkimet Úıi Qazaqstan Respýblıkasy Úkimetiniń «Qazaqstan Respýblıkasynda taratylatyn sheteldik merzimdi baspa basylymdaryn esepke alýdy asyrý qaǵıdalaryn bekitý týraly» 2002 jylǵy 29 shildedegi №843 «Kýálandyrýshy ortalyqtardy akkredıtteýdi júrgizý qaǵıdasyn bekitý týraly» 2010 jylǵy 19 qarashadaǵy № 1222 qaýlylaryna ózgeris engizý týraly Qazaqstan Respýblıkasynyń Úkimeti qaýly etedi: 1. Qazaqstan Respýblıkasy Úkimetiniń keıbir sheshimderine mynadaı ózgerister engizilsin: 1) «Qazaqstan Respýblıkasynda taratylatyn sheteldik merzimi basylymdaryn esepke alýdy júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2002 jylǵy 29 shildedegi №843 (Qazaqstan Respýblıkasynyń PÚAJ-y, 2002 j., № 25, 265-qujat) qaýlysynda: kórsetilgen qaýlymen bekitilgen Qazaqstan Respýblıkasynda taratylatyn sheteldik merzimdi baspa basylymdaryn esepke alýdy júzege asyrý qaǵıdalary osy qaýlyǵa qosymshaǵa sáıkes jańa redaksııada jazylsyn; 2) «Kýálandyrýshy ortalyqtardy akkredıtteýdi júrgizý qaǵıdasyn bekitý týraly» Qazaqstan Respýblıkasy Úkimetiniń 2010 jylǵy 19 qarashadaǵy №1222 qaýlysynda: kórsetilgen qaýlymen bekitilgen Kýálandyrýshy ortalyqtardy akkredıtteýdi júrgizý qaǵıdasynda: 5-tarmaqtyń 2) tarmaqshasy alyp tastalsyn; 12-tarmaq mynadaı redaksııada jazylsyn: «12. «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 19-1-babynyń 2-tarmaǵynda kózdelgen jaǵdaılarda kýálandyrýshy ortalyqty akkredıtteý týraly kýálikti berýden bas tartylady.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 7 qyrkúıektegi №523 qaýlysyna qosymsha Qazaqstan Respýblıkasy Úkimetiniń 2002 jylǵy 29 shildedegi №843 qaýlysymen bekitilgen Qazaqstan Respýblıkasynda taratylatyn sheteldik merzimdi baspa basylymdaryn esepke alýdy júzege asyrý qaǵıdalary 1. Jalpy erejeler 1. Osy Qazaqstan Respýblıkasynda taratylatyn sheteldik merzimdi baspa basylymdaryn esepke alýdy júzege asyrý qaǵıdalary (budan ári – Qaǵıdalar) «Buqaralyq aqparat quraldary týraly» 1999 jylǵy 23 shildedegi Qazaqstan Respýblıkasy Zańynyń talaptaryna sáıkes ázirlendi jáne Qazaqstan Respýblıkasynyń aqparattyq keńistiginiń jaı-kúıin durys ári ýaqtyly taldaý maqsatynda Qazaqstan Respýblıkasynda taratylatyn sheteldik merzimdi baspa basylymdaryn esepke alýdy júzege asyrý tártibin belgileıdi. 2. Osy Qaǵıdalarda mynadaı uǵymdar paıdalanylady: 1) buqaralyq aqparat quraldary salasyndaǵy ýákiletti organ – buqaralyq aqparat quraldary salasynda memlekettik retteýdi júzege asyratyn memlekettik organ (budan ári – ýákiletti organ); 2) sheteldik merzimdi baspa basylymy – Qazaqstan Respýblıkasynan tysqary jerlerde basylatyn jáne turaqty ataýy, aǵymdaǵy nómiri bar, keminde úsh aıda bir ret shyǵarylatyn gazet, jýrnal, almanah, bıýlleten, olardyń qosymshasy; 3) taratýshy – sheteldik merzimdi baspa basylymdaryn menshik ıesimen, shyǵarýshysymen shart boıynsha nemese ózge de zańdy negizderde Qazaqstan Respýblıkasynyń aýmaǵynda taratýdy júzege asyratyn jeke nemese tulǵa (fılıal nemese ókildik). 3. Oblystyń, respýblıkalyq mańyzy bar qalanyń, astananyń aýmaǵynda (budan ári – Qazaqstan Respýblıkasynyń aýmaǵy) taratylatyn sheteldik merzimdi baspa basylymdaryn esepke alýdy ýákiletti organ júzege asyrady. 4. Ýákiletti organ Qazaqstan Respýblıkasynyń aýmaǵynda taratylatyn sheteldik merzimdi baspa basylymdaryn esepke alýdyń biryńǵaı tizilimin júrgizedi. 2. Qazaqstan Respýblıkasynda taratylatyn sheteldik merzimdi baspa basylymdaryn esepke alýdy júzege asyrý tártibi 5. Qazaqstan Respýblıkasynyń aýmaǵynda taratylatyn sheteldik merzimdi baspa basylymdaryn esepke alý úshin taratýshy ýákiletti organǵa taratýshynyń ataýyn, sheteldik merzimdi baspa basy­lym­darynyń ataýlaryn, taratylý aýmaǵyn, onyń taratylatyn tilin, negizgi taqyryptyq baǵyt­ty­ǵyn, merzimdiligin, taratylatyn danalarynyń boljamdy sanyn kórsete otyryp ótinish beredi. 6. О́tinish ýákiletti organda tirkelgen kúninen bastap on jumys kúni ishinde qaralady. 7. Usynylǵan qujattar osy Qaǵıdalardyń talaptaryna sáıkes bolǵan jaǵdaıda ýákiletti organ esepke qoıý jýrnalyna esepke qoıý kúnin, qujattyń nómirin, taratýshynyń ataýyn engizý arqyly Qazaqstan Respýblıkasynyń aýmaǵynda taratylatyn sheteldik merzimdi baspa basylymdaryn esepke qoıady. 8. О́tinishti qaraý qorytyndylary boıynsha taratýshyǵa Qazaqstan Respýblıkasynda taratylatyn sheteldik merzimdi baspa basylymdaryn qoıý nemese «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 19-1-babynyń 2-tarmaǵynda kózdelgendeı bas tartý týraly qujat beriledi. 9. Qujatty joǵaltyp nemese búldirip alǵan jaǵdaıda taratýshyǵa erkin nysandaǵy jazbasha ótinishi boıynsha oń jaqtaǵy joǵarǵy buryshynda «Telnusqa» degen jazýy bar jańa nómir berilgen qujattyń telnusqasy beriledi. О́tinish ýákiletti organda tirkelgen kúninen bastap bes jumys kúni ishinde qaralady.